Tofiq Bəhramov adına Respublika stadionunun güləş zalında sərbəst və yunan-Roma güləşi üzrə azyaşlı yeniyetmələr (2000-2001-ci il təvəllüdlü) arasında “Gənc Olimpiyaçılar” Kuboku yarışları start götürüb.

Yarış Azərbaycan Güləş Federasiyasının 1 saylı nümayəndəliyinin tərkibində fəaliyyət göstərən güləş klublarında sərbəst və yunan-Roma güləşi üzrə perspektivli idmançıların aşkarlanması, klub məşqçilərinin işinin qiymətləndirilməsi məqsədi daşıyır.

Proqrama əsasən, fevralın 24-də sərbəst güləş yarışları keçirilib. Yarışda 6 komanda iki yarımqrupda mübarizə aparıb. Yarımqrupda birinci yeri tutan komandalar finalda qarşılaşıb, müvafiq olaraq ikinci yeri tutmuş komandalar 3-4-cü yer, yarımqrupun üçüncüləri isə 5-6-cı yerlər uğrunda yarışıb.

A yarımqrupu			Nəticə					Yekun
Müşviqabad GK - Həyat GK Müşviqabad GK - X.Cəfərov GK Həyat GK - X.Cəfərov GK	5-4 6-4 2-6		1. Müşviqabad GK 2. X.Cəfərov GK 3. Həyat GK		Final Müşviqabad GK - Azəri GK 3-4-cü yer uğrunda X.Cəfərov GK - Xəzri GK 5-6-cı yer uğrunda Həyat GK - Nardaran GK	0-10 2-8 3-6		1. Azəri GK 2. Müşviqabad GK 3. Xəzri GK 4. X.Cəfərov GK 5. Nardaran GK 6. Həyat GK
B yarımqrupu
Nardaran GK - Azəri GK Nardaran GK - Xəzri GK Azəri GK - Xəzri GK	0-10 1-9 7-3		1. Azəri GK 2. Xəzri GK 3. Nardaran GK

Sərbəst güləş yarışlarında yarımqruplarda keçirilən görüşlərin nəticələrinə əsasən, 5-6-cı yer uğrunda Həyat GK və Naradaran GK, 3-4-cü yer uğrunda X.Cəfərov GK və Xəzri GK, finalda isə Müşviqabad GK və Azəri GK qarşılaşıb. Yekunda sərbəst güləş üzrə “Gənc Olimpiyaçılar” Kuboku yarışlarının qalibi Azəri Güləş Klubu olub. Müşviqabad GK ikinci, Xəzri GK isə üçüncü yeri tutub.

Yarışda ilk üç yeri tutmuş komandalar Azərbaycan Güləş Federasiyası tərəfindən diplom, kubok və hədiyyələrlə mükafatlandırılıb.