AZƏRBAYCAN GÜLƏŞ FEDERASİYASI
insta fb tw yt
29.08.2015 23:29

YDÇ-2015: İsmayıl gümüş, Şahin və Fazil bürünc medal qazandı / FOTO-VİDEO

Materialı qiymətləndirin
(10 səs)
Bosniya və Hersoqovinanın paytaxtı Sarayevo şəhərində yeniyetmə güləşçilərin Dünya çempionatı davam edir. 

Çempionatın son günlərində sərbəst güləşçilər yarışır. Böyük məşqçi Nazim Əlicanov və məşqçi Vahid Məmmədovun rəhbərliyi altında ölkəmizi Şahin Muxtarov (42 kq), Əsgər Məmmədəliyev (46 kq), İslam Bazarqanov (50 kq), Fərrux Əliyev (54 kq), Fazil Həsənov (58 kq), Orxan Abbasov (63 kq), İsmayıl Abdullayev (69 kq), Əhliman Quliyev (76 kq), Rahid Həmidli (85 kq) və Alimaqomed Alixmayev (100 kq) təmsil edir.

Çempionatın beşinci günündə 42, 50, 58, 69 və 85 kq çəkidə sərbəst güləşçilər yarışıb. Güləşçilərimiz günü 1 gümüş və 2 bürünc medalla başa vurub. 

42 kq-da mübarizə aparan Şahin Muxtarov ABŞ və Gürcüstandan olan rəqiblərini üstələsə də, yarımfinalda Rusiya təmsilçisinə uduzub. Bürünc medal uğrunda həlledici görüşə çıxan güləşçimiz Bolqarıstanlı rəqibinə tam üstünlüklə qalib gəlib və Dünya çempionatının bürünc medalına sahib olub.

58 kq çəkidə mübarizə aparan Fazil Həsənov ilk görüşdə israil təmsilçisinə qalib gəlib, ardınca ABŞ-dan olan rəqibinə uduzub. Rəqibin finala yüksəlməsi ona təsəlliverici görüşlərə qatılmaq şansı verib. Qırğızıstan və Ukrayna güləşçiləri üzərində qələbə qazanan Fazil, bürünc medal uğrunda görüşə çıxıb. Son görüşdə Rusiya təmsilçisini də üstələyən güləşçimiz Dünya çempionatının bürünc medalına yiyələnib.

69 kq-da təmsilçimiz İsmayıl Abdullayev İtaliya, Gürcüstan və İran idmançıları üzərində inamlı qələbələr qazanaraq finala yüksəlib. Finalda Rusiya təmsilçisinə uduzan güləşçimiz gümüş medalla kifayətlənib.

85 kq çəkidə mübarizə aparan Rahid Həmidli Qırğızıstan, Yunanıstan və Qazaxstan təsmilçilərini mübarizədən kənarlaşdırsa da, yarımfinalda Özbəkistandan olan rəqibinə minimal fərqlə uduzub. Bürünc medal uğrunda görüşdə ABŞ təmsilçisi ilə qarşılaşan güləşçimiz məğlub olub və Dünya çempionatını 5-ci sırada tamamlayıb.

42 kq
1/8 final - Malik Heinselman (USA) - Şahin Muxtarov 0:11
1/4 final - Tornike Katamadze (GEO) - Şahin Muxtarov 3:11
1/2 final - İvan Okoneşnikov (RUS) - Şahin Muxtarov 6:1
Bürünc medal görüşü - Tzvetan Mustafov (BUL) - Şahin Muxtarov 0:10

50 kq
1/16 final - İslam Bazarqanov - Dominik Laritz (SUİ) 10:0
1/8 final - Petr Konstantinov - İslam Bazarqanov 8:4

58 kq
1/16 final - Gennadi Benoguev (İSR) - Fazil Həsənov 0:10
1/8 final - Fazil Həsənov - Yianni Diakomihalis (USA) 0:4
Təsəlliverici görüş - Maksat Talkambayev (KGZ) - Fazil Həsənov 1:12
Təsəlliverici görüş - Fazil Həsənov - Dmitri Mixnyuk (UKR) 8:3
Bürünc medal görüşü - Fazil Həsənov - Soslan Guçakov (RUS) 7:4

69 kq
1/8 final - İsmayıl Abdullayev - Salvatore Diana (İTA) 8:1 (təmiz qələbə)
1/4 final - İsmayıl Abdullayev - İveriko Julakidze (GEO) 13:4 
1/2 final - Mojtaba Osmanavandi (İRİ) - İsmayıl Abdullayev 6:8
FİNAL - İsmayıl Abdullayev - Slavik Naniyev (RUS) 0:13

85 kq
1/16 final - Rahid Həmidli - Dinislambek Taalaibek (KGZ) 4:2
1/8 final - Rahid Həmidli - Kristos Petridis (GRE) 11:6
1/4 final - Rahid Həmidli - Kuaniş Karabek (KAZ) 10:0
1/2 final - Xusanboy Raximov (UZB) - Rahid Həmidli 2:1
Bürünc medal görüşü - Ouven Vebster (USA) - Rahid Həmidli 1*:1

CANLI YAYIM linki: https://unitedworldwrestling.org/event/world-championships-2

Xatırladaq ki, Dünya çempionatının ilk iki günündə mübarizə aparan yeniyetmə yunan-Roma güləşçiləri yarışı 3 bürünc (Fail İsgəndərov (42 kq), Xancavad Məcidzadə (50 kq), Ülvi Qənizadə (69 kq)) medalla başa vurub. 

Çempionatda 5 güləşçi ilə təmsil olunan qızlarımız isə, 1 qızıl (Leyla Qurbanova (52 kq)) və 2 bürünc (Zelfira Ələkbərli (38 kq) və Şəbnəm Əhmədova (56 kq)) medal qazanıb.


Oxu 5856 dəfə
Tweet

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Dünya Güləş
Birliyi

logo UWW