AZƏRBAYCAN GÜLƏŞ FEDERASİYASI
fb tw vaz yt
06.09.2012 11:22

Yunan-Roma güləşi üzrə gənclərdən ibarət yığmamız Dünya birincisidir / FOTO

Materialı qiymətləndirin
(0 səs)
Taylandın Pattaya şəhərində keçirilən gənclərin dünya çempionatında yunan-Roma yarışları Azərbaycan pəhləvanlarının möhtəşəm uğuru ilə yadda qalıb.

Böyük məşqçi İlqar Abdulov və məşqçi Fuad Əliyevin yetirmələrindən Murad Bazarov (50 kq), Eldəniz Əzizli (55 kq) və Ceyhun Əliyev (66 kq) keçirdikləri bütün görüşləri qələbə ilə başa vuraraq fəxri kürsünün ən yüksək pilləsinə qalxıblar. 120 kq çəkili güləşçimiz Zaur Mehrəliyev isə bürünc medala layiq görülüb.

Bu 4 medal, habelə 9-cu yeri tutan Şamil Ertuqanovun (74 kq) millimizə qazandırdığı 2 xal yığmamızın 40 xalla komanda hesabında 1-ci yeri tutmasını təmin edib. 2-3-cü yerləri isə 38 xalla müvafiq olaraq Rusiya və Türkiyə komandaları bölüşüblər.

Son bir ay ərzində Azərbaycan güləşçilərinin beynəlxalq yarışlarda qazandıqları möhtəşəm qələbələr Azərbaycan güləş məktəbinin böyük uğuru olmaqla bərabər, Azərbaycan Güləş Federasiyasının davamlı və məqsədyönlü fəaliyyətinin, ölkəımizdə idmana göstərilən dövlət qayğısının nəticəsidir. Bir daha xatırladırıq ki,  Londonda keçirilən XXX Yay Olimpiya Oyunlarında güləşçilərimiz 2 qızıl, 2 gümüş və 3 bürünc medal qazanaraq Azərbaycan Olimpiya Hərəkatında yeni bir tarix yazdılar. Bu uğurun davamı olaraq bir neçə gün öncə Bakıda keçirilən yeniyetmələrin Dünya çempionatında güləşçilərimiz ümumilikdə 19 medal qazandılar ki, bunlardan 9-u qızıl, 5-i gümüş və 5-i bürünc medal idi. Bu çempionatda yunan-Roma yığmamız komanda hesabında bütün komandaları geridə qoyaraq 1-ci yeri tutmuşdu.

Əldə edilən bu yüksək nailiyyətlər ölkəmizdə istedadlı gənc güləşçilər nəslinin yetişdiyini və güləşimizin sabahının etibarlı əllərdə olduğunu göstərir.
-------------------------------------------------

DÇ-2012 ilk gün: Murad Bazarov dünya çempionu oldu / VİDEO

DÇ-2012 ikinci gun: 2 qızıl və 1 bürünc medal  

-----------------------------------------------
Fotosessiya
Junior World Wrestling Championship 04-11.09.2012 / Pattaya, Thailand



Oxu 1265 dəfə
Tweet

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Beynəlxalq Güləş
Federasiyaları Assosiasiyası

minkult2