AZƏRBAYCAN GÜLƏŞ FEDERASİYASI
fb tw vaz yt
05.08.2013 08:49

Vladislav Pitlasinskinin xatirə turnirində bürünc medal

Materialı qiymətləndirin
(10 səs)
Polşanın paytaxtı Varşavada Vladislav Pitlasinskinin xatirəsinə həsr olunmuş yunan-Roma güləşi üzrə beynəlxalq turnir keçirilib. 3 güləşçi ilə təmsil olunan yığma komandamız turnirdə 1 bürünc medal qazanıb.

60 kq çəkidə mübarizə aparan Taleh Məmmədov ilk görüşdə bolqar İvo Angelovu (9:7) mübarizədən kənarlaşdırıb. 1/8 finalda Ukraynalı Andrey Çmut (8:3), 1/4 finalda isə qazax Yerbol Kikbayev (4:0) güləşçimizə müqavimət göstərə bilməyib. Yarımfinalda Polşa güləşçisinə uduzan Taleh Məmmədov bürünc medal uğrunda görüşə çıxıb. Həlledici qarşılaşmada Rusiya təmsilçisi Mingiyan Semyonovu (6:1) məğlub edən güləşçimiz turnirin bürünc mükafatına layiq görülüb.

84 kq çəkidə güləşçimiz Rafiq Hüseynov ilk görüşdə İspaniya güləşçisi Pedro Garcianı məğlub edib. Növbəti görüşdə uduzan Rafiq təsəlliverici görüşlərə qatılıb. Türkiyə güləşçisi Selçuk Cebini məğlub etməyi bacarsa da, növbəti görüşdə alman güləşçiyə məğlub olaraq mübarizəni 7-ci sırada tamamlayıb.

74 kq-da Şamil Ertuqanov isə, ilk görüşündə məğlub olub və mübarizəni erkən tamamlayıb.

Görüşlərin idarə edilməsində ölkəmizi beynəlxalq dərəcəli hakim Əbdül Nuriyev təmsil edib.
Oxu 740 dəfə
Tweet

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Beynəlxalq Güləş
Federasiyaları Assosiasiyası

minkult2