AZƏRBAYCAN GÜLƏŞ FEDERASİYASI
insta fb tw yt
12.05.2015 10:46

Yeniyetmələr arasında Azərbaycan çempionatı keçiriləcək

  • Çap
  • Email
Materialı qiymətləndirin
(8 səs)
Mayın 19-21-də "Sərhədçi" İdman Olimpiya Mərkəzində sərbəst və yunan-Roma güləşi üzrə yeniyetmələrin Azərbaycan çempionatı keçiriləcək.

Yarışın keçirilməsində əsas məqsəd ölkə ərazisində güləş idman növünün təbliği və inkişafına nail olmaq, respublikada fəaliyyət göstərən idman təşkilatlarında təlim-məşq prosesini təkmilləşdirmək və müvafiq yaş qrupu üzrə mükafata layiq yerlər tutmuş idmançıları yığma komandalara cəlb etməkdir.
 
Dünya Güləş Birliyinin qaydalarına əsasən, yarışlarda güləşçilər 42, 46, 50, 54, 58, 63, 69, 76, 85 və 100 kq çəki dərəcələrində mübarizə aparacaqlar. 

Turnirdə iştirak üçün sərbəst və yunan-Roma güləşi üzrə nümayəndəliklər üzrə keçirilən seçim turnirləri artıq başa çatıb. Nümayəndəliklər üzrə qalib gəlmiş güləşçilər ayrılmış saya uyğun olaraq Azərbaycan çempionatında iştirak hüququ əldə ediblər.

Azərbaycan Güləş Federasiyasının nümayəndəlikləri üzrə keçirilən seçim turnirlərində ümumilikdə, 1285 yeniyetmə güləşçi mübarizə aparıb. Onlardan 743 nəfəri sərbəst, 542 nəfəri isə yunan-Roma güləşi üzrə yarışlarda qüvvəsini sınayıb. Azərbaycan çempionatında, bütövlükdə, AGF-nin 8 nümayəndəliyini təmsil edən seçilmiş 195 sərbəst və 180 yunan-Roma güləşçisi iştirak edəcək. 

Çempionatın proqramına əsasən, mayın 19-da yunan-Roma güləşi üzrə 42, 46, 50, 54, 58 və 63 kq çəkidə güləşçilər yarışacaq. Mayın 20-də 69, 76, 85 və 100 kq çəkidə yunan-Roma güləşçiləri ilə yanaşı, 42, 46 və 50 kq çəkidə sərbəst güləşçilər də mübarizə aparacaq. Çempionatın son günündə isə, 54, 58, 63, 69, 76, 85 və 100 kq çəki dərəcəsində sərbəst güləşçilər xalça üzərində çıxacaq. 




Oxu 3696 dəfə
Tweet

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Dünya Güləş
Birliyi

logo UWW