AZƏRBAYCAN GÜLƏŞ FEDERASİYASI
insta fb tw yt
02.04.2016 10:59

U-23 AÇ-2016: Mircəlal və Nurməhəmməd qızıl, Murad gümüş medal qazandı / FOTO-VİDEO

  • Çap
  • Email
Materialı qiymətləndirin
(11 səs)
Bolqarıstanın Ruse şəhərində güləş üzrə U-23 Avropa çempionatı davam edir.

Dörd yarış gününün yekununa görə yığma komandamızın aktivində 1 qızıl, 2 gümüş və 5 bürünc medal var.

Çempionatın beşinci günündə sərbəst güləşçilər mübarizəyə qoşulub. Güləşçilərimiz günü 2 qızıl və 1 gümüş medalla başa vurub. 

57 kq çəkidə mübarizə aparan Mircəlal Həsənzadə ardıcıl olaraq Makedoniyadan Elmedin Sejfulau, Bolqarıstandan Mehmed Feraim, yarımfinalda isə Rusiyadan İbrahim İlyasov ilə görüşləri qələbə ilə başa vuraraq finala yüksəlib. Finalda güləşçimiz Türkiyədən Barış Kaya üzərində inamlı qələbə qazanıb və çempionatın qızıl medalına sahib olub. 

74 kq-da güləşçmiz Murad Süleymanov mübarizəyə 1/16 finaldan başlayıb. Ardıcıl olaraq Gürcü Taiel Qafrindaşvili, İsraildən Hanoc Raçamin, Latviyadan Alberts Jurçenkonu mübarizədən kənarlaşdıran güləşçimiz yarımfinalda Belarus təmsilçisi Raman Çitadzeni də tam üstünlüklə məğlub edib və finala yüksəlib. Finalda Murad Türkiyə təmsilçisi Muhammet Kotanoğlu ilə görüşü uduzaraq çempionatın gümüş medalına sahib olub.

97 kq-da mübarizə aparan Nurməhəmməd Hacıyev də finala qədər inamla güləşib. Ardıcıl olaraq macar Balasz Attila Juhasz, Rusiyadan Zaynulla Kurbanov, yarımfinalda isə Ukrayndan Murazi Mçedlidzeni mübarizədən kənarlaşdıran təmsilçimiz finala yüksəlib. Həlledici görüşdə Nurməhəmməd Polşa təmsilçisi Mateusz Filipczakla qarşılaşıb. Cəmi 54 saniyədə rəqibinə böyük üstünlüklə məğlub edən güləşçimiz U-23 Avropa çempionatının qızıl medalına sahib olub. 

57 kq
1/8 final - Mircəlal Həsənzadə - Elmedin Sejfulau (MKD) 11:0
1/4 final - Mircəlal Həsənzadə - Mehmed Zeyti Feraim (BUL) 12:2
1/2 final - İbrahim İlyasov (RUS) - Mircəlal Həsənzadə 2:6
FİNAL - Barış Kaya (TUR) - Mircəlal Həsənzadə 4:7

65 kq
1/8 final - Gergely Zsolt Babzsky (HUN) - Teymur Məmmədov 0:6 (tuşe, 48 san)
1/4 final - Teymur Məmmədov - Aleksander Semisorov (GER) 2:3

74 kq
1/16 final - Murad Süleymanov - Tariel Qafrindaşvili (GEO) 16:6
1/8 final - Hanoc Raçamin (ISR) - Murad Süleymanov 0:10 (67 san)
1/4 final - Alberts Jurcenko (LAT) - Murad Süleymanov 2:4
1/2 final - Raman Çitadze (BLR) - Murad Süleymanov 0:11
FİNAL - Muhammet Nuri Kotanoğlu (TUR) - Murad Süleymanov 5:2

97 kq
1/8 final - Balasz Attila Juhasz (HUN) - Nurməhəmməd Hacıyev 0:10
1/4 final - Zaynulla Kurbanov (RUS) - Nurməhəmməd Hacıyev 4:6
1/2 final - Murazi Mçedlidze (UKR) - Nurməhəmməd Hacıyev 2:7
FİNAL - Mateusz Filipczak (POL) - Nurməhəmməd Hacıyev 0:10 (54 san)

Oxu 5697 dəfə
Tweet

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Dünya Güləş
Birliyi

logo UWW