AZƏRBAYCAN GÜLƏŞ FEDERASİYASI
insta fb tw yt
13.03.2016 00:05

AÇ-2016: Həsən Əliyev bürünc medal qazandı / FOTO-VİDEO

  • Çap
  • Email
Materialı qiymətləndirin
(7 səs)
Latviyanın paytaxtı Riqada güləş üzrə Avropa çempionatı başa çatıb. 

Yunan-Roma güləşi üzrə yarışların ilk günündə güləşçilərimiz 1 bürünc medal qazanıb. Kamran Məmmədov fəxri kürsünün üçüncü pilləsində qərarlaşıb. 

Çempionatın son günündə yunan-Roma güləşi üzrə 71, 75, 80 və 85 kq çəki dərəcələrində pəhləvanlar mübarizəyə qoşulub. Həsən Əliyev çempionatın son günündə yığmamıza bürünc medal qazandırıb. 

71 kq-da mübarizə aparan Həsən Əliyev ardıcıl olaraq Latviyadan Kristaps Kalnakarklis, Çexiyadan Jan Zizkanı tam üstünlüklə məğlub etsə də, 1/4 finalda Serbiya təmsilçisi Aleksandar Maksimoviçlə gərgin keçən görüşdə məğlub olub. Rəqibin finala yüksəlməsi ilə təsəlliverici görüşə qatılan Həsən İsveçdən Klnut Zakarias Tallrothu təmiz qələbə ilə mübarizədən kənarlaşdırıb. Bürünc medal uğrunda həlledici görüşdə güləşçimiz Türkiyədə Yunus Özellə qarşılaşıb. Rəqib üzərində inamlı qələbə güləşçimizə Avropa çempionatının bürünc medalını qazandırıb. 

75 kq çəkidə yarışan Elvin Mürsəliyev ilk görüşdə Latviya təmsilçisi Jevgenijs Kolcovsu tam üstünlüklə mübarizədən kənarlaşdırıb. Ardınca Rusiya təmsilçisi Çingiz Labazanovu məğlub edən güləşçimiz 1/4 finalda Belarusdan Aliaksandr Dzemyanoviç üzərində qələbə qazanıb. Yarımfinalda gürcü Zurab Datunaşviliylə gərgin keçən görüşü uduzan Elvin bürünc medal uğrunda görüşə haqq qazanıb. Ermənistan təmsilçisi Karpet Çalyanla görüşü uduzan güləşçimiz çempionatı 5-ci sırada tamamlayıb. 

Xatırladaq ki, Avropa çempionatında sərbəst və qadın güləşi üzrə yarışlarda yığmamızın üzvləri 2 qızıl, 2 gümüş və 2 bürünc medala sahib olub. Mariya Stadnik və Nataliya Sinişin qızıl, Cəbrayıl Həsənov və Aleksandr Qostiyev gümüş, Yuliya Ratkeviç və Hacı Əliyev bürünc medal qazanıb.

71 kq 
1/16 final - Kristaps Kalnakarklis (LAT) - Həsən Əliyev 0:8
1/8 final - Jan Zizka (CZE) - Həsən Əliyev 0:8
1/4 final - Aleksandar Maksimovic (SRB) - Həsən Əliyev 3:1
Təsəlliverici görüş - Knut Zakarias Tallroth (SWE) - Həsən Əliyev 1:8 (tuşe)
Bürünc medal görüşü - Həsən Əliyev - Yunus Özel (TUR) 8:1

75 kq 
1/16 final - Elvin Mürsəliyev - Jevgenijs Kolcovs (LAT) 8:0
1/8 final - Elvin Mürsəliyev - Çingiz Labazanov (RUS) 5:2
1/4 final - Aliaksandr Dzemyanoviç (BLR) - Elvin Mürsəliyev 6:9
1/2 final - Zurabi Datunaşvili (GEO) - Elvin Mürsəliyev 3:1
Bürünc medal görüşü - Karpet Çalyan (ARM) - Elvin Mürsəliyev 4:1

80 kq
1/16 final - Rafael Samurqaşev (MNE) - Rafiq Hüseynov 0:4 (tuşe)
1/8 final - Pavel Paminçuk (BLR) - Rafiq Hüseynov 4:5
1/4 final - Daniel Aleksandrov (BUL) - Rafiq Hüseynov 8:4

85 kq
1/16 final - Tadeusz Mixalik (POL) - İslam Abbasov 7:1





Oxu 7552 dəfə
Tweet

Comments   

 
0 #1 Sənan 2016-03-13 16:16
....
Quote
 
Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Dünya Güləş
Birliyi

logo UWW