AZƏRBAYCAN GÜLƏŞ FEDERASİYASI
insta fb tw yt
09.03.2016 05:55

AÇ-2016: Yuliya Ratkeviç bürünc medal qazandı / FOTO-VİDEO

  • Çap
  • Email
Materialı qiymətləndirin
(2 səs)
Latviyanın paytaxtı Riqada güləş üzrə Avropa çempionatı davam edir. 

Yığmamızın üzvləri ilk yarış gününü 1 qızıl və 1 gümüş medalla başa vurub. Mariya Stadnik qızıl, Aleksandr Qostiyev gümüş medala sahib olub. 

Çempionatın ikinci günündə daha 4 güləşçimiz xalça üzərinə çıxıb. Güləşçilərimiz günü 1 bürünc medalla başa vurub. 

60 kq çəkidə qadınların yarışında mübarizə aparan Yuliya Ratkeviç ilk görüşündə Bolqarıstandan Canan Manolovanı üstələyib. Yarımfinalda Ukrayna təmsilçisi Oksana Herhellə gərgin keçən görüş bərabərə bitsə də xalların keyfiyyətinə görə rəqib üstün olub. Yuliya Ratkeviç Norveçdən Şarlotta Skauenlə bürünc medal uğrunda görüşə çıxıb. Rəqibinə heç bir şans verməyən təmsilçimiz təmiz qələbə qazanaraq çempionatı bürünc medalla tamamlayıb. 

Sərbəst güləşçilərin yarışında isə 65 kq çəki dərəcəsində mübarizə aparan Ağahüseyn Mustafayev yarışıb. Mübarizəyə 1/16 final mərhələsindən başlayan güləşçimiz ardıcıl olaraq Slovakiyadan Mikola Bolotnyuku, Estoniyadan Almar Andruseni tam üstünlüklə məğlub edib. 1/4 finalda Fransa təmsilçisi Yuriy Syemakindən də üstün olan Ağahüseyn yarımfinalda İtaliya təmsilçisi, son dünya çempionu Frank Çamizo ilə qarşılaşıb. Bu görüş isə rəqibin üstünlüyü ilə tamamlanıb. Ağahüseyn Mustafayev Ukrayna təmsilçisi Semen Radulovla bürünc medal uğrunda görüşü uduzaraq çempionatı 5-ci sırada başa vurub. 

97 kq-da mübarizə aparmalı olan Olimpiya çempionumuz Şərif Şərifov isə zədə səbəbindən mübarizəyə qoşula bilməyib. 

53 kq
1/8final -  Anjela Doroqan - Nina Hemmer (GER) 2:5 

60 kq
1/4 final - Canan Manolova (BUL) - Yuliya Ratkeviç 2:8
1/2 final - Oksana Herhel (UKR) - Yuliya Ratkeviç 2*:2
Bürünc medal görüşü - Şarlotta Skauen (NOR) - Yuliya Ratkeviç 0:8 (tuşe)

65 kq
1/16 final - Mikola Bolotnyuk (SVK) - Ağahüseyn Mustafayev 0:10
1/8 final - Ağahüseyn Mustafayev - Almar Andruse (EST) 10:0
1/4 final - Ağahüseyn Mustafayev - Yuriy Syemakin (FRA) 6:3
1/2 final - Frank Çamizo (İTA) - Ağahüseyn Mustafayev 11:1
Bürünc medal görüşü - Semen Radulov (UKR) - Ağahüseyn Mustafayev 5:0

97 kq
1/8 final - Şərif Şərifov - İvan Yankouski BLR) (güləşçimiz zədə səbəbindən görüşə çıxmayıb)



Oxu 4861 dəfə
Tweet

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Dünya Güləş
Birliyi

logo UWW