AZƏRBAYCAN GÜLƏŞ FEDERASİYASI
insta fb tw yt
13.05.2014 10:48

Olimpiadaya lisenziya qazanan yunan-Roma güləşçilərimiz Vətənə qayıdıb / FOTO-VİDEO

  • Çap
  • Email
Materialı qiymətləndirin
(5 səs)
Bolqarıstanın Samokov şəhərində keçirilən yeniyetmə güləşçilərin Avropa çempionatında çıxışlarını başa vuran yunan-Roma güləşi üzrə yığma komandamızın üzvləri Vətənə qayıdıb.

Güləşçilərimizi Heydər Əliyev adına Beynəlxalq hava limanında azarkeşlər, media nümayəndələri və Azərbaycan Güləş Federasiyasının rəsmiləri qarşılayıblar.

Çempionatın son iki günündə mübarizə aparan yunan-Roma güləşçiləri 2 qızıl və 1 bürünc medal qazanıb. 50 və 69 kq-da finala yüksələn güləşçilərimiz Nanjinqə 2 lisenziyanı da təmin edib. 

Yığma komandanın böyük məşqçisi Nurəddin Rəcəbov yarış təəssüratlarını media nümayəndələri ilə bölüşüb:

"Çempionata ciddi hazırlaşmışdıq. Əsas məqsədimiz yeniyetmələrin II Olimpiya Oyunlarına lisenziyalar qazanmaq idi. Buna da nail olduq. Federasiya rəhbərliyi tərəfindən hazırlıqlarımız üçün maksimum şərait yaradılıb. Bildiyiniz kimi, Avropa çempionatlarında yunan-Roma güləşi yarışları daha gərgin keçir. Biz də əsas məqsədimiz olan Olimpiya lisenziyalarını qazanmaqla etimadı doğrultmağa çalışdıq. Qarşıda bizi Dünya çempionatı və Olimpiya Oyunları gözləyir. Çalışacağıq ki, orda da qızıl medallar qazanmaqla xalqımızı sevindirək".

Nanjinqə vəsiqəni qızıl medalla qazanan Cabbar Nəcəfov və İslambek Dadov həm Avropa çempionu olduqları, həm də Olimpiya Oyunlarına lisenziya qazandıqları üçün sevindiklərini bildirib, Olimpiya Oyunlarında da eyni uğuru təkrarlamağa çalışacaqlarını qeyd ediblər.



Oxu 4814 dəfə
Tweet
Bu kateqoriyada digər materiallar « Yeniyetmələrin Avropa çempionatında ilk gün 4 medal qazandıq Yeniyetmə güləşçilərimiz Avropa çempionatında qüvvələrini sınayacaq »

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Dünya Güləş
Birliyi

logo UWW