AZƏRBAYCAN GÜLƏŞ FEDERASİYASI
insta fb tw yt
18.03.2013 10:31

Yaqub Məmmədov: Ümidləri doğrultmalıyıq - MÜSAHİBƏ

Materialı qiymətləndirin
(0 səs)
Qadın güləşçilərdən ibarət Azərbaycan yığmasının baş məşqçisi Yaqub Məmmədovun apasport.az saytının Tiflisə ezam olunmuş əməkdaşına müsahibəsi
Qadın güləşçilərdən ibarət Azərbaycan yığmasının baş məşqçisi Yaqub Məmmədovun apasport.az saytının Tiflisə ezam olunmuş əməkdaşına müsahibəsi

- Siz kişilərdən ibarət yığmamızla çalışmısız. Müəyyən müddətdən sonra ilk dəfə qadın komandası ilə Avropa çempionatına qatılacaqsız. Təəssüratlarınız necədir?
- İlk rəsmi yarış Avropa çempionatına təsadüf etdiyindən məsuliyyətlidir. Amma demək olar ki, Patimat Baqomedova (48 kq) istisna olmaqla, Tiflisə əsas heyətlə gəlməmişik. Onun da böyüklər arasında bir dəfə nəticəsi olub. Digərləri üçün bu, ilk möhtəşəm yarışdır.

- Komandanın hazırlığı ilə bağlı nə deyə bilərsiz?
- Hazırlığımız normal keçib. Yarış öncəsi 2 dəfə - Belarusda və Bolqarıstanda beynəlxalq turnirə qatılmışıq. Hətta Minskdə yerli komanda və Fransa millisi ilə əla təlim-məşq toplanışı da keçmişik. Qatıdığımız yarışların hərəsində 3 qızıl medal qazanmışıq. Avropa çempionatında da hər şey idmançıların özlərindən asılıdır.

- Yəqin ki, beynəlxalq turnirlərdəki uğurun Avropa çempionatına psixoloji baxımdan təsiri də yüksək olacaq...
- Bəli, bu güləşçilərdə özünə inamı daha da artırıb. Həmçinin təcrübə baxımından böyük kömək olub.

- Rəqibləriniz də sizin kimi ikinci heyətlə gəlib?
- Əsas rəqiblərimizin çoxu 1 nömrələrinə güvənəcək.

- Rusiya Güləş Federasiyasının vitse-prezidenti Omar Murtuzaliyev ciddi rəqiblər arasında Azərbaycan və Ukraynanın adını çəkib. Siz hansı fikirdəsiz?
- O yəqin fikirləşib ki, əsas heyətlə gələcəyik. Ancaq bu belə deyil. Əsas heyətin aparıcı üzvləri ana olacaqları üçün yarışda iştirak etməyəcəklər.

- Sonda medallarla bağlı proqnozunuz...
- Bu bir qədər çətindir. Biz buraya medal qazanmağa gəlmişik. Ancaq hər şey idmançılardan, onların çıxışından asılı olacaq. Fikrimcə, ümidləri doğrultmalıyıq.

http://www.apasport.az/xeber_Yaqub_M%C9%99mm%C9%99dov-_%C3%9Cmidl%C9%99ri_do%C4%9Frultmal%C4%B1y%C4%B1q_-_M%C3%9CSAH%C4%B0B%C6%8F_72619.html
Oxu 5022 dəfə
Tweet

Add comment



Refresh

Azərbaycan Respublikası
Gənclər və İdman Nazirliyi

minkult
Azərbaycan Respublikası
Milli Olimpiya Komitəsi

minkult1
Dünya Güləş
Birliyi

logo UWW