AZERBAIJAN WRESTLING FEDERATION
insta fb tw yt
Sərbəstlər Avropa Oyunlarına hazırlığı İran güləşçiləri ilə birgə davam etdirir
Gənc güləşçilərimiz Antalya turnirində son gün 1 qızıl və 1 bürünc medal qazandı / FOTO
Antalya turnirinin ikinci günündə 2 gümüş və 2 bürünc medal / FOTO
Gənclər Antalyada ilk gün 2 qızıl və 1 bürünc medal qazandı / FOTO
Junior wrestlers facing a challenge in Antalya / TEAM
Saturday, 17 September 2011 20:11

Dünya çempionatında altıncı gün: Şərif Şərifov dünya çempionu oldu / FOTO

  • Print
  • Email
Rate this item
(0 votes)

Türkiyənin İstanbul şəhərində güləş üzrə dünya çempionatı davam edir. Yarışların altıncı günündə daha 3 güləşçimiz medal və London olimpiadasına lisenziya qazanmağa çalışıb.

Zəlimxan Hüseynov (60 kq) startda (1/32 final) litvalı Vitas Çumakova qalib gəlməliydi ki, buna da nail olub - 7:1, 3:0. Növbəti mərhələdə isə o, türkiyəli güləşçi Ersan Çətin üzərində qələbəyə sevinib - 1:0, 0:2, 5:0. Onun 1/8 finaldakı rəqibi Fenqom Qao (Çin) idi. Zəlimxan çətinliklə də olsa, bu rəqbini də yenib - 1:4, 5:0, 6:4. Yarımfinala çıxmaqla London olimpiadasına lisenziya qazanmaq üçün Puerta Rikalı Franklin Matosa qalib gəlmək lazım olsa da, Hüseynov bunu bacarmayıb - 1:0, 0:1, 1:2. Amma, Matosun finala çıxması Hüseynova yenidən medal və lisenziya qazanmaq şansı verib. Zəlimxan Hüseynov gürcü Malxaz Zarkua ilə görüşdən də məğlub ayrılıb və lisenziya qazana bilməyib.

84 kq-da yarışan Şərif Şərifov ilk döyüşünü Cənubi Koreyadan olan Çan Uk Yuna qarşı keçirib və qələbə qazanıb - 6:0, 2:0. Şərifovun növbəti mərhələdəki rəqibi Kael Sanderson (ABŞ) idi ki, o, bu rəqibini də məğlub etməyi bacarıb - 3:1, 4:1. 1/8 finaldakı rəqib Ernek Baydauşov da Şərifə problem yarada bilməyib - 3:0, 3:0. Yarımfinala çıxmaq və olimpiadaya lisenziyanı rəsmiləşdirmək üçün İran güləşçisi Əlirza Qudarzini məğlub etmək lazım idi ki, Şərifov buna nail olub - 2:1, 3:1. Beləliklə də o, komandamıza 4-cü lisenziyanı qazandırıb. Finala çıxmaq üçün Şərif rusiyalı Albert Saritovu məğlub etməliydi. O, bunu da bacarıb - 3:1, 4:3. Həlledici görüşdə isə rəqib ukraynalı İbrahim Aldatov olub. Rəqibinə heç bir şans verməyən (1:0, 2:0) Şərif Şərifov dünya çempionu adını qazanıb.

Xetaq Qazyumov (96 kq) isə startda ukraynalı Alen Zaseyevlə üz-üzə gəlib və qələbə qazanıb - 1:0, 3:0. Bu uğuru növbəti mərhələdə Belarus idmançısı Ruslan Şeyxov üzərində də təkrarlamaq lazım idi. Amma güləşçimiz bu görüşdə uduzub - 0:1, 0:2. O, belaruslu güləşçinin finala çıxmaması ilə mübarizəni dayandırıb.

Xatırladaq edək ki, ilk 5 gündə mübarizə aparan idmançılarımızdan Rövşən Bayramov (55 kq) qızıl medal və lisenziya qazanıb. 84 kq-da yarışan Saman Təhmasibi London olimpiadasına lisenziya əldə edib. 48 kq-da yarışan Mariya Stadnik həm lisenziya, həm də gümüş medal qazanıb. Patimat Baqomedova (51 kq) və Sona Əhmədli (59 kq) isə bürünc medal qazanıb.

Read 1880 times
Tweet

Add comment



Refresh

Ministry of Youth and Sport
of Azerbaijan Republic

minkult
National Olympic Committee
of Azerbaijan Republic

minkult1
Fédération Internationale
des Luttes Associées

minkult2